SOFAPAKA YAPATA MLINDALANGO MPYA

 Mutuyimana mlindalango wa Kiyovu Sports

   Timu ya Sofapaka almaarufu Babatoto ba Mungu imekubali kumsajili mlinda lango  kutoka timu ya taifa ya Rwanda anayetokea klabu ya Kiyovu sports
Kulingana na mwenyeketi wa Sofapaka Elly Kalekwa kupitia mtandao amesema majadiliano rasmi yanaendelea na hivi karibuni mlinda lango huyo atajiunga nao.Kuwasili kwa  Mutuyimana katika klabu ya sofapaka kutasaidia pakubwa  kwani kipa wao Duncan Ochieng’ kwa sasa bado anauguza jeraha.

Said PiePie,Nairobi

ORIGI ANG'ARA BRAZIL

Origi anayesakatia kabumbu taifa la Ubelgiji na Lille ya Ufaransa.

          Divock Origi amemshukuru babake mzazi kwa kuhudhuria mechi ya hapo jana dhidi ya Urusi, jambo ambalo amesema lilichangia pakubwa ushidi  wao wa jana,huku Ubelgiji ikijiaandika nafasi katika 16 bora katika michuano ya kombe la dunia inayo endelea kule Brazil.Kwa sasa Ubelgiji inaangoza kundi la HA na alama 6.

Hapo awali Origi ilichezea timu za  U15, U16, U17 na U19 zote za  Ubelgiji  huku akifunga bao lake la kwanza kwa ka timu ya U19 katika mechi za UEFA 2013

Ubelgiji walizaba Urusi 1-0.

Said PiePie, Nairobi.

SSERENKUMA KUELEKEA DENMARK KWA MAJARIBIO

Dan Sserenkuma Strika wa Gor Mahia

         Strika wa Gor Mahia Dan Sserenkuma anapania kuelekea nchini Denmark kwa majaribio ya kujiubnga na klabu ya daraja la kwanza ya  HB Koge.Sserenkuma ataelekea Denmark tarehe 28 mwezi huu na atarudi nchini tarehe 10  Julai. HB Koge pia inawachezaji wengine kutoka humu nchini kama vile Thobias Ndungu aliyekua mchezaji wa Harambee Stars na Emmanuel Ake.

Said PiePie,Nairobi

GOR KUMSAJILI SSENTAGO

Robert  Ssentago anayepania kuhamia Gor

   Strika wa Uganda Cranes  Robert Ssentogo anapania kujiunga na Gor Mahia FC. Kulingana na habari zilizotolewa na Naibu katibu wa Gor Mahia Ronald Ngala.Hapo awali Ssentogo alichezea URA ya Uganda na St Georges kule nchini Ethiopia

Said PiePie,Nairobi.

MECHI ZA INGWE ZAHAIRISHWA

 

 

Kikosi  cha Leopards almaarufu  Ingwe

    Mechi kati ya AFC Leopards na Western Stima iliyokuwa imeratibiwa kukaragazwa Jumapili ya Juni 22 na mechi nyingine kati yao na Bandari ambayo iliratibiwa kusakatwa Jumatano ya Juni 25 zimehairishwa hii ni kuilingana na ripoti iliyotolewa mapema hii leo shirikisho la ligi ya primia humu nchini KPL

Huku hayo yakijiri Top Fry watakua wenyeji  wanamvinyo Tusker FC watakapo menyana mnamo Jumatano ya Juni 25 katika uchanjaa wa Afraha mjini Nakuru.

Said PiePie,Nairobi.

UINGEREZA YAZIDI KUDIDIMIA

Edinson Cavani anayesakatia Uruguay na Paris Saint-Germain

         Katika dimba la Kombe la Dunia, Uingereza wanashikilia mkia kwa kundi lao baada ya kuzamishwa na Uruguay kwa kufungwa 2-1. Luis Suarez ndiye aliyeiangamiza Uingereza kwa kuyafunga magoli yote mawili wakati Wayne Roney akiifungia Uingereza goli la kufutia machozi na ambalo ndilo lake la kwanza katika Kombe la Dunia. Kwingineko, Colombia wamefuzu katika awamu ya 16 baada ya kuwabwaga Cote d'Ivoire magoli mawili kwa moja. Katika mchuano mwingine, Japan na Ugiriki zilitoka sare ya kutofungana bao katika. Ugiriki ililazimika kucheza kwa dakika 52 bila ya nahodha wake Kostas Katsouranis, ambaye alitimuliwa uwanjani kwa kufanya makosa yaliyompa kadi mbili za njano. Hii leo Ijumaa, Italia watashuka dimbani dhidi ya Costa Rica wakati Uswisi wakikabana koo na Ufaransa kabla ya Honduras kuangushana na Equador.

Said PiePie,Nairobi.

WENDO AGURA MATHARE

Kenneth Wendo

          Kenneth Wendo amegura klabu ya Mathare United baada  ya kandarasi yake kukamilika  Jumamosi ya Juni 14.Strika huyo alijiunga na Mathare katikati yamsimu uliopita kwa kandarasi ya mwaka 1.

Said PiePie,Nairobi.

MUHORONI YAPATA HUDUMA MPYA

Charles Ssemanda ambae amesajiliwa na Muhoroni Fc

         Strika wa Uganda Charles Ssemanda na mlinda lango  Allan Owiny wameonyesha furaha yao baad a ya kujiunga na klabu ya MuhoroniWawili hao wameandikisha mkataba wa miaka 2
Ssemanda ralishiriki katika ligi ya  FUFA nchini Uganda huku naye Owiny  akichezea klabu ya Uganda Revenue Authority (URA) FC.MchezajI mwingine kutoka Uganda anayeskatia Muhoroni na beki  Hamidu Kwizera.


Said PiePie,Nairobi