FIFA YAMPIGA MARUFUKU BECKNERBAUER

 

Aliyekua Kocha wa Ujerumani Franz Beckenbauer

           Franz Beckenbauer amepigwa marufuku ya siku 90 kujihusisha na soka kwa kushindwa kutoa ushikiano wake kwa kamati ya uchunguzi ya FIFA.

Aidha FIFA imedokeza kuwa Beckenbauer alikua katika  kamati kuu ya Shirikisho la Kimataifa la soka (FIFA) ambalo mwaka 2010 li iliwapatia Qatar kuandaa michuano ya michuano  ya Kombe la Dunia kwa mwaka 2022,aliombwa mara kadhaa kutoa maelezo yake kuhusu uamuzi huo tata.Marufuku hiyo imewekwa kufuatia ombi la mwanasheria wa Marekani Michael Garcia mkuu wa jopo la uchunguzi wa kamati ya maadili ya FIFA ambaye anaongoza uchunguzi kuhusu uamuzi huo wa michuano ya Kombe la Dunia mwaka 2022.

         Jumatano Garcia aliuambia mkutano mkuu wa FIFA wa kila mwaka mjini Sau Paulo Brazil kwamba yeye na kamati yake tayari walikuwa na sehemu kubwa ya mamilioni ya nyaraka ambazo zimetajwa na gazeti la Sunday Times la Uingereza katika repoti ya karibuni inayodai kutolewa kwa rushwa katika harakati za kufanikisha Qatar ipate nafasi ya kuandaa michuano hiyo ya soka Kombe la Dunia.

Gazeti la Sunday Times limesema baadhi ya mamilioni ya nyaraka imeziona kuwa zinahusiana na malipo yaliyotolewa na mjumbe wa zamani wa kamati kuu ya FIFA Bin Hammam kwa maafisa ikiwa kama sehemu ya kampeni ya kuungwa mkono kwa harakati za Qatar kuandaa michuano hiyo ya Kombe la Dunia.
Kesi hiyo hivi sasa iko kwenye taratibu rasmi za uchunguzi chini ya mjumbe wa jopo hilo Vanessa Allard akiwa kama mkuu wa uchunguzi.Repoti rasmi ya uchunguzi huo inatarajiwa kutolewa hapo mwezi wa Julai.

Said PiePie,Nairobi.

SUAREZ AMNG'ATA GIORGIO

 

Luiz Suarez aendeleza ukandamizaji

                   Strika wa  Uruguay Luis Suarez anakabiliwa na marufuku  itakayomlazimu kukosa mechi nyengine za michuano ya kombe la dunia iwapo atapatikana na hatia ya kumng'ata mchezaji wa Italy Giorgio Chiellini katika mechi ya hapo jana.

Shirikisho la soka duniani FIFA limeanzisha uchunguzi wa kumuadhibu mcheza huyo kufuatia ushindi wa moja kwa bila dhidi ya Italy.

Chiellini amedai kwamba Suarez alimng'ata bega lake licha ya Suarez kudai kuwa ni mchazaji huyo aliyemchezea vibaya.

Giorgio Chiellini aonyesha jeraha baada ya kung'atwa na Suarez

  

Suarez mwenye umri wa miaka 27 huenda akapigwa marufuku ya kutoshiriki katika mechi 24 ama miaka miwili.
Refa aliyesimamia mechi hiyo kutoka Mexico Marco Rodriguez hakuchukua hatua yoyote kufuatia kisa hicho,lakini FIFA bado inaweza kumuadhibu Suarez.
Aliyekuwa mchezaji wa kiungo cha kati wa timu ya Liverpool Jan Molby anatarajia kwamba Suarez atapigwa marufuku kwa mechi zote za kombe hilo zilizosalia.



Said PiePie,Nairobi.

LAMOUCHI AGURA IVORY COAST

Aliyekua kocha wa Ivory Coast Sabri Lamouchi

        Kocha wa Ivory Coast Sabri Lamouchi amejiuzulu baada ya timu yake kuzabwa 2-1 na Ugiriki hapo jana katika mechi ya kuisismua
Lamouchi aliliambia jarida la AFP katika mahojiano jana baada ya mechi hiyo kumalizika aidha raia huyo wa Ufaranza mwenye umri wa mika 42 amesema kuwa kandarasi yake ilimalizika jana.
Hata hivyo amedokeza kuwa kushindwa kwake kulichangiwa na mchezo duni ambao wachezaji wake walionyeshwa baada ya kupoteza fursa tumbi nzima waliopata.Lamouchi ilianza kuwaongoza Ivory Coast mnamo Mei 2012.

Said PiePie,Nairobi.

MECHI ZA KPL ZAHAIRISHWA

                             

        Mechi saba za ligi ya primia humu nchini  zilizokuwa zimeratibiwa kusakatwa wikendi hii zihairishwa.Kulingana na afisa mkuu ya Ligi ya primia nchini Jack Oguda amesema kuwa hali hii imechangiwa na kusafiri kwa kikosi cha Harambee Stars  kuelekea Brazil
Aidha Oguda ameongeza kuwa michuano ya ligi ya primia itarejelewa kuanzia Jumamosi tarehe 5 Julai na Jumapili 6 mwezi ujao.

Said PiePie,Nairobi.

SOFAPAKA YAPATA MLINDALANGO MPYA

 Mutuyimana mlindalango wa Kiyovu Sports

   Timu ya Sofapaka almaarufu Babatoto ba Mungu imekubali kumsajili mlinda lango  kutoka timu ya taifa ya Rwanda anayetokea klabu ya Kiyovu sports
Kulingana na mwenyeketi wa Sofapaka Elly Kalekwa kupitia mtandao amesema majadiliano rasmi yanaendelea na hivi karibuni mlinda lango huyo atajiunga nao.Kuwasili kwa  Mutuyimana katika klabu ya sofapaka kutasaidia pakubwa  kwani kipa wao Duncan Ochieng’ kwa sasa bado anauguza jeraha.

Said PiePie,Nairobi